Die meisie slaag matriek goed en haar bejaarde ouers van die plaas, skraap
hulle laaste geld bymekaar om hulle begaafde dogter verder te laat studeer
in wetenskappe aan die beste universiteit in Amerika.

Drie jaar gaan verby toe sy weer eendag bel, met die nuus dat sy haar eerste
graad geslaag het, en dat sy vir hulle die produk wat sy uitgevind het, gaan
stuur uit dankbaarheid dat hulle hul laaste ou geldjies gegee het om haar te
laat leer. As hulle elke week elkeen 'n teelepel van die goed drink is hulle
gewaarborg dat hulle gou-gou jonger sal wees, en met elke drinkslag daarna
steeds jonger sal word. So gemaak so gedaan... en 'n paar maande gaan verby
en die dogter besluit om die vakansie huis toe te gaan aangesien sy baie
verlang.

Op die plaas aangekom, skrik sy amper om te sien hoe jonk en mooi haar ma
geword het, daar waar sy die stoep vee. Haar ma was skaars dertig, pragtig
gebou en soos in die outyd, met die oulikste kleintjie op haar rug vasgebind
"Hallo Ma!!" skree sy, "maar Ma het jonk geword! Waar is Pa?" "Anner storie
daai" sê haar ma. "Die derde aand wat ons daai goed van jou drink , raak jou
Pa toe so suurgat dat ek baie gouer as hy jonger geword het dat hy daai
bottel gryp en hom heeltemal uitsuip!" " Nou waar is Pa dan nou?"

Ma: "Gmmmf! Hier sit die Bliksem op my rug!!!"